Filipino Saints 20: Servant of God Darwin Ramos: Modelo ng Kabanalan sa mga Kabataan
Servant of God Darwin Ramos (1994 - 2012): Modelo ng Kabanalan sa mga Kabataan Tunay ngang mahiwaga ang pagkilos ng Diyos sa buhay ng tão na Kanyang nilikha. Sa mahabang kasaysayan ng pag-iral ng mundo at ng tao, ipinamalas Niya ang Kanyang kapangyarihan, awa at pag-ibig sa Kanyang mga nilalang sa pamamagitan ng Kaniyang mga piniling indibidwal na lalaki at babae na nagbibigay saksi sa Kaniyang paghahari sa mga taong Kanyang hinirang na makabilang sa Kanyang pamilya bilang mga anak ng Diyos. Sa ating kasalukuyang panahon, tayo ay naghahanap ng mga modelo na maari nating tingalain at pagkunan ng inspirasyon sa kung papaano natin mas mabibigyang buhay ang pagiging Kristiyano, sa araw-araw at ordinaryo nating karanasan at pakikibaka sa buhay. Marahil titingin tayo sa mga taong may kapangyarihan, mataas ang pinag-aralan, may kayamanan at katanyagan. Ngunit kadalasan, ang Diyos ay humihirang mula sa mga ordinaryo at pangkaraniwan, mga mahihina at kab...