Filipino Saints 12: Servant of God Fr. George Willmann, SJ
Servant of God Fr. George Willmann, SJ (1887 - 1977): Fr. McGivney ng Pilipinas Hunyo 29, 1897, kapistahan ng mga Apostol San Pedro at San Pablo, nang ang pagtataling puso nina William G. Willman at Julia Corcoran Willmann ay magbigay buhay sa isang sanggol na lalaki sa Brooklyn, New York. Bininyagan ang bata sa pangalang “George”. Mayroong siyang isang kapatid na lalaki, si William, Jr. at apat na kapatid na babae na sina Miriam, Dorothy, Sr. Ruth at Sr. Agnes ng Franciscan Missionaries of Mary. Taong 1902 nang simulan niya ang pag-aaral sa Our Lady of Good Counsel Grammar School at nagpatuloy ng High School sa Brooklyn Preparatory High School. Pagkatapos, pumasok sa Seminaryo ng Kapisanan ni Hesus sa Andrew-on-Hudson, Poughkeepsie, New York kung saan niya natapos ang kanyang Novitiate at Juniorate noong 1922. Sa taon ding iyon, una siyang dumating sa Pilipinas habang seminarista pa lamang at nagt...